आहे माझ्या मराठीत
असा गोडवा ओवीचा
असे सजले अंगण
धुंद सुवास फुलांचा
आहे माझ्या मराठीत
सारी गाथा अभंगाची
व्यथा विसरती सारे
साथ मिळे मृदंगाची
आहे माझ्या मराठीत
मजा भारी लावणीची
शब्द शब्द लयदार
चाल भारी ही ढंगाची
आहे माझ्या मराठीत
बोल रांगडा मातीचा
जसे उजळे आकाश
स्फोट होताच विजांचा
आहे माझ्या मराठीत
शारदेचं वरदान
साहित्याच्या वर्षावाने
जणू फुलले अंगण
आहे माझ्या मराठीत
समूह हा कवितेचा
डंका विश्वात अवघ्या
वाजे आज मराठीचा
No comments:
Post a Comment