तुझ्या सहवासात माझा रात्रीचा दिवस होतो

सहवास
तुझ्या सहवासात माझा
रात्रीचा दिवस होतो
माझ्या मनी तव प्रेमाचा
गुलमोहर फुलतो

नुसत्या तुझ्या आठवणीनही
जीव माझा मोहरतो
तुझ्या सहवासाची मग
मी स्वप्ने पाहू लागतो

दोन घडीचा तुझा
सहवासही मला पुरेसा होतो
तुझ्या आठवणींचा नंदादीप
मग माझ्या मनी तेवत राहतो

कधी तू येतेस
कधी तुझी स्वप्ने येतात
स्वप्नातही मला तुझ्या
सहवासाची जाणीव देतात

तुझं येण माझ्यासाठी
नवजीवन घेऊन येतं
रात्रीच चांदणही मग
रुपेरी लेनं लेऊन येतं

तुझ्या मिठीतील सहवासाची
ओढ मला लागते
चांदण्याची रात्रही मग
आपल्यासावे जागते

तू जातेस प्रीतीचा
ओळ सुगंध ठेऊन
दिवस माझाही जातो मग
आठवणींना तुझ्या घेऊन ......................................