पाहून मज उदास

पाहून मज उदास तो
फक्त स्वच्छ मनाने हसला
धुके सारून वाटेवरचे
मज नवीन मार्ग दिसला...
क्षणात मी मांडले
गणित त्या वाटेवरचे
उलगडल्या पायऱ्या त्याने
नियतीचे प्रमेय घेतले...
चुकत जाईन मी
वाट जिथे मिळेल
शिकत जाईन मी
नवीन जे जे कळेल ...
रात्र सरून पहाट
हा खेळ प्रत्येक वाटेचा
हृदयात सूर्य असता
नव प्रकाश तो चेतनेचा...
चालतो मी वाट माझी
कधीच न थांबण्यासाठी
शोधतात पाय माझे
नवीन वाट जगण्याची...