अंत"

अंत"
मी जेव्हा मरून जाईन
तेव्हा मला जाळू नका
आयुष्यभर जळत होते
आणखी चटके देऊ नका !!१!!
जेव्हा माझा अंत होईल
तेव्हा तुम्ही रडू नका
जन्मभर मी रडले
शेवटी रडणे ऐकवू नका !!२!!
माझ्या देहाचे ओझे
खांद्यावर नेऊ नका
आयुष्याचे ओझे मी वाहिले
उपकाराचे ओझे ठेवू नका !!३!!
माझ्या निष्पाप देहावर
कुणीही फुले वाहू नका
माझ्या वेदनेचा गंध
फुलांच्या वासात दडवू नका !!४!!
माझ्या देहाच्या मातीला
शेवटी नमस्कार करू नका
आयुष्यभर पायाखाली तुडवल
आता पाया पडू नका !!५!!