सजवून साज जशी

सजवून साज जशी
रुणझुण सांज तशी, सजनी तू रंगबावरी
सरल वार सुखाची... रिमझिमे जशी
छेडी अलगूज जणू, श्वासातूनी आज कुणी

हरपून भान अशी, मिठी तुझीच तशी
सजना मी सांज सावरी...
नजर तुझी ही प्रिया वेड लावी,
भिरभिरते मी अशी भोवताली,

गोऱ्यागोऱ्या गालावरी आज लाज आली,
अवखळ डोळ्यात ह्या प्रीत गीत झाली,
अशी भूल जीवाला या पडते,
मखमल मनी उलगडते,

काळजाच्या काठावर हलते,
छेडी कुणी तार जशी...
हरपून भान अशी, मिठी तुझीच तशी
सजना मी सांज सावरी...

सरल वार सुखाची... रिमझिमे जशी
छेडी अलगूज जणू, श्वासातूनी आज कुणी
सजवून साज जशी
रुणझुण सांज तशी, सजनी तू रंगबावरी

दव हळवे मी धुके धुंद व्हावे,
बिलगुन राणी तुला पांघरावे,
विसरून थांग सावली तुझीच व्हावे,
अलगद वाटे रे तुझ्यात मी भिनावे,

तुझ्यासाठी अशी तळमळते...
तुझ्याभोवताली घुटमळते...
पुनवेच्या चांदासाठी झुरते...
वेडीपिशी रात जशी,

सजवून साज जशी
रुणझुण सांज तशी,
सजनी तू रंगबावरी
सरल वार सुखाची...

रिमझिमे जशी

छेडी अलगूज जणू, श्वासातूनी आज कुणी

हरपून भान अशी, मिठी तुझीच तशी

सजना मी सांज सावरी...